बर्तमान अमेरिकी राष्ट्रपति बाराक ओबामाका एकजना स्कुले साथी सम्झन्छन्-"विद्यालयको सिर्जनात्मक लेखनमा बाराकका साथीहरु कोही डक्टर त कोही पाइलट हुन्छु भनेर लेख्दथ्ये तर बाराक भने प्रेसिडेन्ट हुन्छु भनी उल्लेख गर्दथे ।" नभन्दै तीनै बालक अहिले विश्वको शक्तिशाली प्रजातान्त्रिक मुलुक अमेरिकाको प्रेसिडेन्ट अर्थात राष्ट्रिपति भएका छन् । यति मात्र होइन उनी यो भन्दाअघि पनि प्रेसिडेन्ट भएका थिए त्यो भने हवार्ड ल रिभ्यू नामक पत्रिकाको । सो पत्रिका हवार्ड ल स्कुलको मासिक प्रकासन थियो । ओबामा सो विश्व विद्यालयका विद्यार्थी थिए । हाम्रा कवि लेखनाथ पौड्यालले "उद्देश्य के लिनु छुनु एक चन्द्र" भनेर ठूलो उद्देश्य लिएर त्यसै अनुसार काम गर्यो। भने ठूलो मानिस भइन्छ भन्ने सन्देश दिनु भएको थियो । के यो भनाइ अमेरिकाका वर्तमान तथा ४४ औं राष्ट्रपति ओबामाको जीवनमा मिलेको छैन र ? विद्यालयमा को हाउडे हुदैन र ? तर उमेर अनुसार आफूलाई परिपक्क बनाउनु पर्दछ भन्ने शिक्षा पनि ओबामाको विगत जीवनले दिएकोछ । संवैधानिक कानुनका विद्यार्थी ओबामाले विद्यार्थीलाई हाउडे बन्नु हुदैन, असल बन्नु पर्दछ भन्दै सन् १९९२ बाट २००४ सम्म्म युनिभर्सिटी अफ सिकागो, ल स्कुलमा गुरु -शिक्षक) भएका थिए तर तिनै ओबामा जतिखेर विद्यालयमा पढ्दै थिए, एकपटक उनले बाँसले बनाइएको विद्यालयको झुप्प्रे भवन भत्काइ दिएका थिए ।
धेरै एतिहास रच्दै केन्याका मुस्लिम बाबु र अमेरिकी नागरिक कृष्चियन आमाका छोरा बाराक हुसेन ओबामा अमेरिकाको लागि पहिलो अप-अमेरिकन राष्ट्रपति बन्नु भएको हो । कति उदार रहेछ अमेरिकी समाज-जहाँ चुनावताका बाराकलाई मुस्लिम भनेर त्यहाँका मदताताले हराएनन् । बाराकको दक्षता, अनुभव र युवापुस्तामा रहेको लोकपि्रयताले हृवाइट हाउसको गरिमाभय उच्च पदमा पुगेका ओबामा यसअघि राष्ट्रपति पदमा मनोनयन गर्दासम्म -१९९७-२००५) इलियोनिस राज्यको सिनेटर हुनुहन्थ्यो । उहाँ संवैधानिक कानुनका प्राध्यापक, लेखक, सामुदायिक संगठक, अधिकारकर्मी पनि हुनुहन्थ्यो । त्यसैले बहुमुखी प्रतिभाको धनी उहाँलाई कसैकसैले "ओबामा मेड इन अमेरिका फर अमेरिका" पनि भनेका छन् । ४ अगष्ट १९६१ मा अमेरिकाका होनोलुलुस्थित अपिओलानी मेडिकल सेन्टरमा उहाँको जन्म भएको थियो ।
Comments
Post a Comment