युनिटी लाइफ इन्टरनेसनलका कार्यसमितिका एक जना सदस्यले एकै पटकमा ४२ लाख रुपैयाँसम्म कमिसन लिएको अनुसन्धानमा खुलेको छ । राजस्व अनुसन्धान विभागले गरेको प्रारम्भिक अनुसन्धानमा समूह अध्यक्ष काशीराम गुरुङले एकै पटकमा ४२ लाख रुपैयाँसम्म कमिसन लिएको देखिएको हो । माथिल्लो तहका व्यक्तिहरूले बढी कमिसन लिएर सदस्य बनाउने गरेको पाइए पनि यस विषयमा विस्तृत अध्ययन गर्न भने बाँकी रहेको विभागले जनाएको छ । विभागका अनुसार युनिटीले अहिलेसम्म ५८ हजार सदस्यले कमिसनबापत २ करोड ९ लाख ६१ हजार अमेरिकी डलर बराबर रकम लिएको पाइएको छ । विभागले युनिटीको कारोबार, सदस्य संख्या, संस्थाहरूसँगको आबद्धता र विभिन्न योजनाका विषयमा पहिलो चरणको अध्ययन सकिएको जनाएको छ । विभागले बिहीबार आयोजित पत्रकार सम्मेलनमा पछिल्लो एक वर्षमा युनिटीको सदस्यता तीव्र रूपमा बढेको जनाएको छ । विभागका अनुसार युनिटीले प्रचार गरे जस्तो ६ लाख सदस्यता नभई विभागले नियन्त्रणमा लिएको कम्पनीको सर्भरबाट ३ लाख ६६ हजार ३ सय ४२ जना सदस्य रहेको पाइएको छ । अनुसन्धानका क्रममा युनिटी समूहभित्र २२ संस्था आबद्ध भएको पाइएको छ । छुट्टाछुट्टै संस्था र कम्प